“Aston Villa” futbolçusunu 110 milyona satmağa hazırdır

“Aston Villa” yarımmüdafiəçisi Duqlas Luis üçün 110 milyon funt-sterlinq təzminat təyin edib.

Komanda.az “Football Transfers”-ə istinadən xəbər verir ki, klub bu qiyməti “Arsenal” kimi komandaların marağını azaltmaq üçün müəyyən edib.

Luis 2019-cu ilin iyulunda “Mançester Siti”dən “Aston Villa”ya keçib. Onun transfer məbləği 16,8 milyon avro olub. Braziliyalı futbolçunun klubla müqaviləsi 2026-cı ilin yayına kimi nəzərdə tutulub. Bu mövsüm o, 23 oyun keçirib, 6 qol vurub və 4 məhsuldar ötürmə edib.

15 turdan sonra “Aston Villa” Premyer Liqada 32 xalla 3-cü pillədə qərarlaşıb.