Dadaşovlu “Qrasshoper” doğma meydanda uduzdu

Futbol üzrə İsveçrə çempionatında 5-ci turun oyunları keçirilib.

Komanda.az xəbər verir ki, Azərbaycan millisinin hücumçusu Renat Dadaşovun formasını geyindiyi “Qrasshopper” də növbəti matçına çıxıb.

Sözügedən kollektiv evdə “Lutsern”lə qarşılaşıb və 0:1 hesabıyla uduzub.

Renat da bu görüşün iştirakçısı olub. O, 85-ci dəqiqədə meydana buraxılıb.

“Qrasshopper” hazırda 4 xalla 12 iştirakçı arasında 9-cu pillədə qərarlaşıb.