Bundesliqada klub dəyişdi

Almaniyanın “Herta” klubu heyətini yeni futbolçu ilə gücləndirib.

Komanda.az xəbər verir ki, Bundesliqa təmsilçisi geridə qalan mövsümdə elita ilə vidalaşan “Nürnberq”in müdafiəçisi Eduard Leveni transfer edib. Bu barədə klubun rəsmi saytı məlumat yayıb.

22 yaşlı futbolçu ilə uzun müddətli müqavilə imzalandığı diqqətə çatdırılıb. Dəqiq müddət isə göstərilməyib.

Almaniyanın gənclərdən ibarət yığmasında da çıxış etmiş Leven eyni zamanda Rusiya vətəndaşlığına malikdi. O, geridə qalan mövsümdə Bundesliqada 22 oyuna çıxıb, 3 qol vurub, 3 məhsuldar ötürmə müəllifi olub.