Konfrans Liqası: “Qəbələ”nin potensial rəqiblərinin duelində 2 qol

Bu gün Avropa Konfrans Liqasında 2-ci təsnifat mərhələsinin növbəti oyunları keçirilib.

Komanda.az xəbər verir ki, ikinci oyun günündə daha 6 qarşılaşma baş tutub.

Azərbaycan təmsilçilərindən “Sabah” səfərdə Latviya RFS-i ilə üz-üzə gəlib və inamlı qələbəyə sevinib.

Türkiyənin “Fənərbaxça” klubu isə doğma meydanda Moldova “Zimbru”sunu sınağa çəkib. İstanbul təmsilçisi 5 cavabsız qola sevinib.

“Qəbələ”nin növbəti raunddakı potensial rəqiblərindən Danimarka “Midtyulland”ı Lüksemburqun “Proqres” komandasını qəbul edib. Qarşılaşma meydan sahiblərinin 2:0 hesablı qələbəsi ilə yekunlaşıb. Bu cütün qalibi növbəti raundda “Qəbələ” – “Omoniya” (Kipr) duelinin güclüsü ilə üz-üzə gələcək.

Xatırladaq ki, bu mərhələnin ilk oyun günündə 5 görüş baş tutub. Qalan qarşılaşmalar isə sabah keçiriləcək. Konfrans Liqasındakı digər təmsilçilərimiz “Qəbələ” ilə “Neftçi” də ilk matçını sabah keçirəcək.

Avropa Konfrans Liqası
2-ci təsnifat mərhələsinin ilk oyunları
26 iyul

“Struqa” (Şimali Makedoniya) – “Buduçnost” (Monteneqro) 1:0

RFS (Latviya) – “Sabah” (Azərbaycan) 0:2

“Midtyulland” (Danimarka) – “Proqres” (Lüksemburq) 2:0

ÇSKA 1948 (Bolqarıstan) – “Styaua” (Rumıniya) 0:1

“Fənərbaxça” (Türkiyə) – “Zimbru” (Moldova) 5:0

“Neman” (Belarus) – “Baltsan” (Malta) 2:0