İtaliya klubu “Real”a 4 qol vuran futbolçu ilə anlaşıb

İtaliyanın “Latsio” klubu “Jirona”nın hücumçusu Tati Kastelyanosu transfer etmək üçün onun müqavilə ilə məxsus olduğu “Nyu-York Siti” ilə razılıq əldə edib.

Komanda.az xarici KİV-ə istinadən xəbər verir ki, Roma klubu 24 yaşlı futbolçu üçün 15 milyon avro ödəyəcək. Futbolçu ilə müqavilənin şərtlərinə dair razılıq əldə edilib. Növbəti həftə onun tibbi müayinədən keçəcəyi gözlənilir.

Kastelyanos başa çatan mövsümdə “Jirona”nın heyətində bütün turnirlər daxil olmaqla 37 oyuna çıxıb, 14 qol vurub və 1 məhsuldar ötürmə edib.

Xatırladaq ki, Kastelyanos 2022/23 mövsümündə İspaniya La Liqasının 31-ci turunun “Real”la matçında (4:2) “kral klubu”nun qapısına dörd qol vurmuşdu.