Kannavaro gürcü futbolçu haqda: “O, ağıllıdır”

İtaliyalı mütəxəssis Fabio Kannavaro “Napoli”nin yarımmüdafiəçisi Xviça Kvaratsxeliya barədə fikirlərini bildirib.

Komanda.az “ITASportPress”-ə istinadən xəbər verir ki, o, gürcü futbolçunu ağıllı adlandırıb:

“O, ağıllıdır. Daha da inkişaf etmək, böyümək üçün zamanı var. Son mövsümün ilk yarısında əla çıxış etdi, amma sonra hər şey daha fərqli oldu. Çünki rəqiblər onu və “Napoli”ni analiz etdilər”.

Gürcüstanlı futbolçu 2022/23 mövsümündə Neapol təmsilçisinin heyətində bütün turnirlər daxil olmaqla 42 oyuna çıxıb, 14 qol vurub və 17 məhsuldar ötürmə edib.

“Napoli” 33 illik fasilədən sonra 2022/23 mövsümündə çempion olub. İtaliya klubu öncədən 1986/87 və 1989/90 mövsümlərində də “qızıl” qazanmışdı.