“Trabzonspor” serbiyalı futbolçu ilə gücləndi

Türkiyədəki dəhşətli zəlzələdən sonra Super Liqada mövsümün sonunadək meydana çıxmaqdan imtina edən “Qaziantep”in yarımmüdafiəçisi Lazar Markoviç Super Liqada iş yerini dəyişib.

Komanda.az xəbər verir ki, 28 yaşlı vinger “Trabzonspor”a keçib.

Trabzon klubu serb yarımmüdafiəçini bu mövsümün sonuna kimi icarəyə götürüb. Trabzonlular yarım mövsümlük icarə üçün 260 min avro ödəyəcəklər.

Markoviç 2022-ci ilin yayında Serbiyanın “Partizan” klubundan “Qaziantep”ə transfer olunmuşdu. O, bu komandanın heyətində 22 oyuna çıxıb və 5 qol vurub. Serbiyalı vinger ölkəsinin yığmasında isə 22 oyuna 3 qol vurub.