“Barselona”dan futbolçusuna yeni müqavilə təklifi

“Barselona”nın fransalı futbolçusu Osman Dembele klub rəhbərliyindən müqavilənin uzadılması təklifi alıb.

Komanda.az “goal.com”-a istinadən xəbər verir ki, Dembelenin əvvəllər “Barselona”dan ayrılacağı gözlənilirdi. Onun hazırkı müqaviləsi 2024-cü ilin yayına qədərdir. Lakin fransalı vinger Kataloniya təmsilçisinin baş məşqçisi Xavinin rəhbərliyi altında daha çox sərbəstlik əldə etdikdən sonra klubda qalmaq istəyini bildirib.

Xəbərdə bildirilir ki, tərəflər arasında yeni müqavilə ilə bağlı danışıqlar son mərhələyə qədəm qoyur. Amma Dembele qərarı gecikdirərsə və ya klubun təklifini rədd edərsə, “Barselona” onun adını transfer siyahısına salacaq.

Dembele bu mövsüm La Liqa və Çempionlar Liqasında 13 oyuna çıxıb, 3 qol vurub, 4 məhsuldar ötürmə edib.

Bizi Telegramda izləyin