“Qarabağ” bizi təəccübləndirmədi” – “Lex”in kapitanı

“Lex”in kapitanı Maykl İshaq Çempionlar Liqasının 1-ci təsnifat mərhələsində ötən gün “Qarabağ”a qalib gəldikləri ilk oyun (1:0) barədə təəssüratlarını bölüşüb. 

Komanda.az xəbər verir ki, 29 yaşlı hücumçu klubun rəsmi saytına açıqlamasında Ağdam təmsilçisinin oyununun onları təəccübləndirmədiyini deyib: 

“Bu matç üçün yaxşı planımız var idi. Qələbənin mükəmməl yolunu tapdığımızı hiss etdik. Sona qədər mübarizə apardıq və bu, qələbəyə gətirib çıxardı. “Qarabağ” bizi təəccübləndirmədi. Rəqib çox yaxşı komandadır, avrokuboklarda böyük təcrübələri var. Onlara topla oynamağa imkan verdik. Amma yaxşı nəticə əldə etdiyimiz üçün sevinirik”.

“Qarabağ”la “Lex” arasındakı cavab oyunu iyulun 12-də Tofiq Bəhramov adına Respublika Stadionunda keçiriləcək və saat 20:00-da başlayacaq.