Ozan Candan məhsuldar ötürmə

Futbol üzrə Türkiyə 1-ci liqasında 31-cu turun oyunları keçirilir.

Komanda.az xəbər verir ki, gənclərdən ibarət Azərbaycan yığmasının yarımmüdafiəçisi Ozan Can Kökçünün formasını geyindiyi “Girəsunspor” da növbəti matçına çıxıb.

Sözügedən kollektiv səfərdə “Qazişəhər Qaziantep”lə qarşılaşıb. Futbolçumuzun komandası bu oyundan heç-heçə ilə ayrılıb – 2:2.

Ozan da bu görüşün iştirakçısı olub. O, start heyətdə meydana çıxıb və fasilədə əvəzlənib. Kökcü, komandasının vurduğu ikinci qolda məhsuldar ötürmə müəllifi də olub.

“Girəsunspor” 31 turdan sonra 30 xalla 18 kollektiv arasında 15-ci pillədə qərarlaşıb.