“Bayern”i yenə məğlub etmək istəyirəm” – Emeri

“Vilyarreal”ın baş məşqçisi Unay Emeri Çempionlar Liqasının 1/4 finalında “Bayern” üzərində qazandıqları qələbəni (1:0) şərh edib.

Komanda.az “Marca”-ya istinadən xəbər verir ki, Emeri, 1:0 hesablı qələbənin yetərli olmadığını deyib:

“Bayern”i cavab oyununda da məğlub etməyə çalışacağıq. 1:0 hesablı qələbə yetərli deyil. “Bayern” cütün favoritidir, onların məğlub olması normal deyil. Sevinə bilərik, amma diqqətli olmalıyıq. Qarşıda hələ 90 dəqiqə var və mən “Bayern”i yenə məğlub etmək istəyirəm”.

Cavab oyunu aprelin 12-də Münhendə keçiriləcək.