“Mançester Yunayted” Ronaldonu transfer etməklə səhv etdi” – keçmiş futbolçu

Keçmiş ingilis futbolçu Cimi Karrager hesab edir ki, “Mançester Yunayted” Kriştiano Ronaldonu transfer etməməli idi.

Komanda.az xəbər verir ki, Karrager bu barədə “The Telegraph” nəşri üçün qələmə aldığı sütun yazısında yazıb:

“Mançester Yunayted”in Premyer Liqada “Brayton” üzərində qələbə qazanmasında Ronaldonun əvəzsiz töhfəsi (Ronaldo bir qol vurub) oldu.
Amma bu, reallığı dəyişmir: “Mançester Yunayted” keçən yay Ronaldonu transfer etməklə səhv etdi. Onu növbəti mövsümdə saxlamaq daha böyük səhv olar. Bunun nə qədər mübahisəli səsləndiyini bilirəm.

Ronaldo kimi superulduzun həftədə təxminən 500.000 funt sterlinq maaşla transfer xərclərini nəzərə alsaq, bu, çox da ağıllı bir investisiya deyil. Yenə deyirəm: Mən onun bütün uğurlarına tənqidi nəzər salmadan, sadəcə, karyerasının bu mərhələsindən danışıram”.