“Latsio”ya keçə bilər – rus futbolçu

“Atalanta”nın futbolçusu Aleksey Mirançuk karyerasını “Latsio”da davam etdirə bilər.

Komanda.az xəbər verir ki, paytaxt təmsilçisi 26 yaşlı yarımmüdafiəçini heyətinə qatmaq niyyətindədir. Bu barədə İtaliya mətbuatı məlumat yayıb.

Rusiya milli komandasının da üzvü olan Mirançuk 2020-ci ilin yayından “Atalanta”da çıxış edir. O, bu mövsüm A Seriyasında 13 oyunda 1 qol, 3 məhsuldar ötürmə ilə yadda qalıb.