“Hazırda dünya futbolunda Salahdan daha yaxşı birinin olduğunu düşünmürəm”

İngiltərə milli komandasının və “Liverpul”un sabiq futbolçusu Cimi Karagger Mersisayd təmsilçisinin hücumçusu Məhəmməd Salahla bağlı fikirlərini bildirib.

Komanda.az xəbər verir ki, “Daily Mail” nəşrinə danışan keçmiş müdafiəçi, misirli hücumçunun hazırda ən yaxşı futbolçu olduğunu deyib:

“Hazırda dünya və Avropa futbolunda Salahdan daha yaxşı birinin olduğunu düşünmürəm. Həqiqətən, bu, mənim şəxsi fikrimdir. Onun oyunlarını izləyirəm. Çempionlar Liqasında və Premyer Liqada son oyunlarda etdikləri inanılmazdır.

Son bir neçə həftə üçün danışıram. O, “Liverpul”da çıxış edən ən böyük futbolçulardandır”.