Kuman: “Qoldan başqa, rəqibdən heç nədən geri qalmadıq”

“Barselona”nın baş məşqçisi Ronald Kuman Çempionlar Liqasında “Benfika”ya (Portuqaliya) uduzduqları oyundan sonra fikirlərini bildirib.

Komanda.az xəbər verir ki, “Marca”ya danışan niderlandlı mütəxəssis, 0:3 hesabıyla uduzduqları matçı belə şərh edib:

“Əlbəttə, nəticəni qəbul etmək çətindir. Bu, oyunumuzla üst-üstə düşməyən bir nəticə oldu. Erkən qol buraxmağımıza baxmayaraq, komanda 0:2-yə qədər yaxşı oynadı. Çox yaxşı qol imkanlarımız oldu. “Benfika” güclü komandadır.

Nəticələr pisdirsə, günah məşqçidədir. Rəqibdən üstün olsaq da, məğlub olduq. Yaxşı qol imkanlarımızı dəyərləndirə bilmədik. Qoldan başqa, rəqibdən heç nədən geri qalmadıq”.