“Keşlə”nin qapıçısı qəhrəmanlıq etdi” – Fedotov

Rusiyanın “Soçi” komandasının baş məşqçisi Vladimir Fedotov Avropa Konfrans Liqasının 2-ci təsnifat mərhələsi çərçivəsində “Keşlə”yə qarşı keçirdikləri ilk oyunu şərh edib.

Komanda.az xəbər verir ki, o, 3:0 hesabıyla qalib gəldikləri matçdan sonra baş tutan mətbuat konfransında bunları söyləyib:

“Oyunun əvvəli gərgin keçdi. Rəqib güzəştə getmək istəmirdi. Sonradan təzyiqi artırdıq və standart vəziyyətdən ilk qolu vurduq. Bundan sonra vəziyyət lehimizə dəyişdi. Rəqibin qolkiperi əla oyun keçirdi. Hesabın daha da böyüməsinə imkan vermədi. Belə demək mümkünsə, möcüzə gerçəkləşdirdi, futbol qəhrəmanlığı göstərdi.

Cavab oyununa daha ciddi hazırlaşacağıq. Həmin matça hələ bir həftə var. Ciddi hazırlaşacağıq. Son vuruşlar üzərində işləyəcəyik”.