Nigeriyalı hücumçu “Qalatasaray”la vidalaşdı

Türkiyənin “Qalatasaray” klubu nigeriyalı futbolçu Henri Onyekuru ilə yollarını ayırıb.

Komanda.az xəbər verir ki, bu barədə 24 yaşlı hücumçu “instagram” hesabında paylaşım edib. “Sarı-qırmızılar”ın baş məşqçisi Fatih Terimlə şəklini paylaşan Onyekuru, “Hər şey üçün təşəkkürlər və uğurlar” yazıb.

Onyekuru müqavilə ilə Fransanın “Monako” klubuna məxsusdur. Hücumçu bu ilin yanvarında icarə əsasında “Qalatasaray”a keçmişdi.