“Barselona” “Bavariya”nın futbolçusu üçün hərəkətə keçdi

“Barselona” “Bavariya”nın müdafiəçisini transfer etmək niyyətindədir.

Komanda.az Fransa mətbuatına istinadən xəbər verir ki, “Barsa” “Bavariya”dan ayrılmaq istəyən David Alaba üçün Münhen klubu ilə danışıqlara başlayıb. Xordi Alba ilə rəqabət apara biləcək müdafiəçi axtarışında olan “Barselona”nın, 26 yaşlı futbolçunun Almaniya klubundan ayrılmaq istəməsi ilə bağlı verdiyi açıqlamadan sonra hərəkətə keçdiyi bildirilir.

“Bavariya”nın “Atletiko”dan Lukas Hernandesi transfer etdikdən sonra Alabanı uyğun məbləğ müqabilində satmaq niyyətində olduğu deyilir.

2009-cu ildən “Bavariya”nın şərəfini qoruyan futbolçunun klubla müqaviləsi 2021-ci ildə bitir. O, bu mövsüm iştirak etdiyi 34 oyunda 2 qolla yadda qalıb.