AFFA divizion klublarını cərimələdi

Bu gün AFFA İntizam Komitəsinin iclası keçirilib.

Komanda.az xəbər verir ki, iclasda Azərbaycan 1-ci divizionunun 14-cü turunun matçları ilə bağlı aşağıdakı qərarlar qəbul olunub:

1-ci divizionun 14-cü turunun MOİK – “Zaqatala” oyununda MOİK klubunun 4 futbolçusu sarı vərəqə ilə cəzalandırıldığı üçün klub 80 manat cərimə olunur.

1-ci divizionun 14-cü turunun MOİK – “Zaqatala” oyununda xərəkdaşıyan və topdaşıyan şəxslərin say tərkibi pozulduğu üçün meydan sahibi klub 80 manat cərimə olunur.

1-ci divizionun 14-cü turunun MOİK – “Zaqatala” oyununda “Zaqatala” klubunun qapıçısının geyim formasında qüsur olduğuna görə matç gec başlandığı üçün klub 80 manat cərimə olunur.

1-ci divizionun 14-cü turunun “Keşlə-2” – “Neftçi-2” oyununda “Keşlə-2” klubunun 5 futbolçusu sarı vərəqə ilə cəzalandırıldığı üçün klub 80 manat cərimə olunur.

1-ci divizionun 14-cü turunun “Keşlə-2” – “Neftçi-2” oyununda “Keşlə-2” klubunun futbolçusu Turan Vəlizadə qeyri-idman hərəkətinə görə ikinci sarı vərəqə ilə meydandan kənarlaşdırıldığı üçün 1 oyun cəzalanır, klub 20 manat cərimələnir.

1-ci divizionun 14-cü turunun “Keşlə-2” – “Neftçi-2” oyununda “Keşlə-2” klubunun futbolçusu Orxan Fərəcov qeyri-idman hərəkətinə görə ikinci sarı vərəqə ilə meydandan kənarlaşdırıldığı üçün 1 oyun cəzalanır, klub 20 manat cərimələnir.

1-ci divizionun 14-cü turunun “Keşlə-2” – “Neftçi-2” oyununda “Keşlə-2” klubunun qapıçısının geyim formasında qüsur olduğuna görə matç gec başlandığı üçün klub 80 manat cərimə olunur.

1-ci divizionun 14-cü turunun “Keşlə-2” – “Neftçi-2” oyununda “Neftçi-2”-nin futbolçusu Nihad Qurbanlı sonuncu ümid foluna görə birbaşa qırmızı vərəqə ilə meydandan kənarlaşdırıldığı üçün 1 oyun cəzalanır, klub 20 manat cərimələnir.