Teymur Rəcəbovun imtina etdiyi yarışın bərpa vaxtı açıqlandı

Şahmat üzrə İddiaçılar turnirinin dəqiq bərpa vaxtı açıqlanıb.

Komanda.az xəbər verir ki, barədə FİDE prezidenti Arkadi Dvorkoviç TASS-a açıqlamasında məlumat verib.

O bildirib ki, yarış aprelin 19-da qaldığı yerdən davam edəcək. Onun sözlərinə görə, İddiaçılar turnirinin 8-ci turu aprelin 19-da Yekaterinburqda baş tutacaq. Şahmatçılar 14-cü tura qədər 10 gün oynayacaqlar.

2019-cu ildə dünya kubokunun qalibi olan Teymur Rəcəbov İddiaçılar turnirindən koronavirusun yayılması səbəbindən imtina etmişdi. Rusiyanın Yekaterinburq şəhərindəki turnir martın 26-da yarımçıq dayandırılıb. Buna Rusiya Federasiyası hökumətinin digər ölkələrlə hava əlaqəsinin kəsilməsi barədə qərarı səbəb olub. 8 qrossmeysterin qatıldığı turnirin 8-ci turdan davam etdiriləcəyi açıqlanıb. 7 turdan sonra fransalı Maksim Vaşye-Laqrav və rusiyalı Yan Nepomnyaşi hərəyə 4 xalla ilk 2 pilləni bölüşür.