“Mançester Yunayted”in baş məşqçisindən Halandla bağlı açıqlama

“Mançester Yunayted”in baş məşqçisi Ole-Qunnar Sulşer Dortmund “Borussiya”sının hücumçusu Erlinq Halandla bağlı açıqlama verib.

Komanda.az xarici mətbuata istinadən xəbər verir ki, norveçli mütəxəssis, həmyerlisinin möhtəşəm karyerası olacağını deyib:

“Halandın möhtəşəm karyerası olacaq. Mən buna inanıram, onunla bir müddət birlikdə olmuşuq. Halandın həm milli, həm də klub karyerası gözəl olacaq. “Borussiya”da inanılmaz şeylər edir. Onun bu uğurları necə qazandığına baxaq. Haland hər şeyin öhdəsindən gəlməyi bacarır. O, ən yaxşı oyunçu olmaq və ən yaxşı komandada çıxış etmək üçün hər şeyi edəcək.

İndi gələcəyiylə bağlı nə düşündüyünü bilmirəm. Ona hər şeyin ən yaxşısını arzulayıram. Seçim özünündür, hansı kluba gedəcəyinə özü qərar verəcək”.

Haland bu mövsüm “Borussiya” ilə 22 oyunda 22 qol vurub, 6 məhsuldar ötürmə edib. 20 yaşlı hücumçu 2017/18 mövsümündə “Molde”də olarkən baş məşqçisi Ole-Qunnar Sulşer idi.