Suaresdən Messiyə: “Qoy istədiklərini desinlər”

Uruqvaylı hücumçu Luis Suares sosial şəbəkə hesabında paylaşım edib.

Komanda.az xəbər verir ki, o, Argentina millisinin kapitanı Lionel Messini dünya çempionu olması münasibətilə təbrik edib:

“Təbrik edirəm, dostum! Sən dünya çempionusan! Qoy istədiklərini desinlər, sən ən yaxşısan və ən yaxşı olacaqsan”.

Argentina millisi DÇ-2022-nin finalında Fransanı penaltilər seriyasında məğlub edərək (3:3, penaltilər – 4:2), tarixində üçüncü dəfə dünya çempionatının qalibi olub. Cənubi Amerika təmsilçisi 1978 və 1986-cı illərdə də dünyanın ən güclü komandası adını qazanıb.

Messi DÇ-2022-də 7 oyuna çıxıb, 7 qol vurub və 3 məhsuldar ötürmə edib. O, həlledici matçda turnirin ən yaxşı oyunçusu titulunu da qazanıb.

Bizi Telegramda izləyin

Bizi Facebook-da izləyin

Əlaqəli yazılar

Back to top button