Qvardiola hansı futbolçudan sadə oynamasını xahiş edib?

“Mançester Siti”nin çalışdırıcısı Xosep Qvardiola yarımmüdafiəçi Kevin De Bruynedən belə demək mümkünsə, daha sadə oynamasını istəyir.

Komanda.az xarici KİV-ə istinadən xəbər verir ki, ispaniyalı baş məşqçi bu barədə belçikalı futbolçudan xahiş edib:

“Bu mövsüm hamımız üçün dünya çempionatı və bir çox başqa amillərə görə çətin oldu. Kevinin nə qədər yaxşı olduğunu öyrənməyə çalısmayacam. Onunla dəfələrlə danışmışam, meydanda sadə işlərlə daha yaxşı məşğul olmasını xahiş etmişəm. De Bruyne heç kimin bacarmadığı şəkildə ötürmələr vermək, qol vurmaq, meydançanı görmək üçün inanılmaz qabiliyyətə malikdir. Bununla belə, mən həmişə deyirəm ki, sadə şeylər etsəz, bu komponentlər böyüyəcək. Məsələn, topu itirməyin. Hərəkət etmək daha yaxşıdır və bu hərəkətə sürət əlavə edin. Sadəcə bunu təkrar-təkrar edin, daha da yaxşılaşın. Bu baş verdikdə, hər şey yaxşı olacaq”.