“Qəbələ”nin baş məşqçisi azarkeşlərə barmaq silkələdi – FOTO

“Qəbələ” bu gün Azərbaycan Premyer Liqasının 23-cü turunda “Sabah”ın qonağı oldu. “Qırmızı-qaralar” Masazırdakı “Bank Respublika Arena”da keçirilən matçda böyük hesabla (1:7) məğlub oldular.

Komanda.az xəbər verir ki, “bayquşlar”ın müdafiəçisi Rəhman Daşdəmirovun vurduğu 7-ci qoldan sonra tribunadakı azsaylı “Qəbələ” azarkeşləri tez-tez “Kaxaber, istefa” şüarları səsləndirirdilər.

Oyunun gedişində bu çağırışlara məhəl qoymayan bölgə təmsilçisinin baş məşqçisi Kaxabar Tsxadadze hakimin final fitindən sonra, üzünü tribunaya tərəf tutaraq, azarkeşlərə barmaq silkələdi.

Fəxri Rüstəmli