“Barselona”nın müdafiəçisi Maldiniyə bənzədildi

Yay transfer dönəmində “Barselona”dan Səudiyyə Ərəbistanının “Əl-Nəsr” klubuna keçən İniqo Martines Kataloniya komandasının müdafiəçisi Jerard Martin üçün sevincini ifadə edib.

Komanda.az xarici KİV-ə istinadən xəbər verir ki, o, sabiq komanda yoldaşı üçün xoşbəxt olduğunu söyləyib:

“Jerard Maldini (Paulo Maldini – İtaliya millisinin sabiq məşhur müdafiəçisi)! Mən onu çox bəyənirəm, onun üçün xoşbəxtəm. O, çox çalışdı və hər şeyə təkbaşına nail oldu. Sadəcə baxın, indi heç kim onu ​​ehtiyat oyunçular skamyasına yerləşdirə bilməz. O, çox şey öyrənib və əla əhval-ruhiyyə ilə oynayır. Mən onun üçün çox xoşbəxtəm”.

23 yaşlı Martin bu mövsüm “Barselona”da mərkəz müdafiəçisi mövqeyində oynamağa başlayıb.

Martines 2023/24 mövsümündə “Barselona”da çıxış edib. İspaniyalı futbolçu 2025-ci ilin yayında isə Kataloniya klubundan “Əl-Nəsr”ə keçib.

“Barselona” yanvarın 11-də İspaniya superkubokunun finalında “Real”la qarşılaşacaq.