Martin “Barselona”nın çox qol buraxmasının səbəbini açıqladı

“Barselona”nın müdafiəçisi Jerar Martin bu mövsüm komandanın müdafiədəki problemləri barədə danışıb.

Komanda.az xarici KİV-ə istinadən xəbər verir ki, o, bunu söyləyib:

“Hər kəs müdafiədə iştirak etsə də, komanda bu qədər qol buraxdıqda, xüsusilə, müdafiəçilər üçün çətindir. Vəziyyəti yaxşılaşdırmaq üzərində işləyirik, əminəm ki, yaxşılaşa bilərik. Böyük problemlərə çevrilən kiçik şeylərdir. Oyun tərzimizin açarı yaxşı pressinqdir. İntensiv pressinq etdikdə, rəqiblərin topu ötürməsi çətindir. Bu, müdafiə üçün işləri asanlaşdırır. Amma indi rəqiblər bizi daha yaxşı tanıyırlar, zəif cəhətlərimizi araşdırırlar, biz həmişə yüz faiz hazır olmalıyıq. İnanıram ki, keçən mövsüm bizə uğur gətirən üslubdan yayınmamalıyıq. Bu şəkildə oynamaqdan rahatam. Sadəcə işə yaramayanları düzəltməliyik”.

“Barselona” bu mövsüm La Liqa və Çempionlar Liqasında 16 oyunda 20 qol buraxıb. Kataloniya klubu 12 oyundan sonra 28 xalla La Liqada 2-ci yerdədir.