“Mançester Yunayted” üçün İngiltərəyə yollanacaq

“İnter”in qapıçısı Andre Onana “Mançester Yunayted”ə keçməyə yaxındır.

Komanda.az xarici KİV-ə istinadən xəbər verir ki, tərəflər transferlə bağlı razılıq əldə edib. Belə ki, “qırmızı şeytanlar” italyanlara qolkiper üçün 50 milyon avro+4 milyon avro bonus ödəyəcək.

Kamerunlu qolkiper qısa zamanda tibbi müayinədən keçmək üçün İngiltərəyə yollanacaq.

İtaliya mətbuatının verdiyi xəbərə görə, Onana Premyer Liqa təmsilçisi ilə 2028-ci ilin yayına kimi nəzərdə tutulan müqavilə imzalayacaq. Daha sonra onun sözləşməsi bir il müddətinə uzadıla bilər.

Onana başa çatan mövsümdə “neradzurra”nın heyətində 41 oyuna çıxıb və 36 qol buraxıb.