İvanoviç “Zenit”dən ayrıldı

Futbol üzrə Rusiya çempionu “Zenit” kapitanı Branislav İvanoviçlə yollarını ayırıb.

Komanda.az xəbər verir ki, bu barədə klubun rəsmi saytı məlumat yayıb.

Sankt-Peterburq klubu 36 yaşlı müdafiəçinin də istəyi ilə onun başa çatan müqaviləsini yeniləməyib.

Qeyd edək ki, 2017-ci ildə “Çelsi”dən “Zenit”ə keçən İvanoviç bu mövsüm 25 matça çıxaraq 4 qol ötürməsi ilə yadda qalıb.