David Silvanın yeni klubu bəlli oldu

İspaniyanın “Real Sosyedad” klubu heyətini yeni futbolçu ilə gücləndirib.

Komanda.az xəbər verir ki, La Liqa təmsilçisi İngiltərənin “Mançester Siti” klubundan ayrılan David Silvanı transfer edib.

Bu barədə klubun rəsmi saytı məlumat yayıb. 34 yaşlı yarımmüdafiəçi ilə 2 illik müqavilə imzalanıb.

“Valensiya”nın yetirməsi olan David Silva İspaniyada bu klubdan başqa “Eybar” və “Selta”da da çıxış edib. İspaniya millisinin sabiq üzvü 2010-cu ildən “Mançester Siti”nin uğurları üçün çalışırdı.