“Bu mövsüm uğur qazana bilərik” – “Arsenal”ın futbolçusu

İngiltərənin “Arsenal” klubunun futbolçusu Qranit Caka komandanın vəziyyəti ilə bağlı açıqlama verib.

Komanda.az İngiltərə mətbuatına istinadən xəbər verir ki, o, “topçular”ın toparlandığını bildirib:

“Uzun müddət qalib gələ bilmədik, amma bu dövrdə belə, özümüzdən şübhə duymadan oynadıq. Komanda olaraq yaxşı iş görürük. Bu mövsüm uğur qazana bilərik. Qələbəyə çox köklənmişik.

Mikel Arteta işinə bağlı olan inanılmaz məşqçidir. Hər oyun üçün xüsusi planı olur, hətta hər futbolçuya ayrıca plan verir”.