2000 manat uğrunda mübarizə davam edir

Azərbaycan Kiberidman Federasiyasının dəstəyi ilə “Gaming League Azerbaijan”ın təşkil etdiyi, mükafat fondu 2000 manat olan “Counter-Strike GO” oyunu üzrə turnir davam edir.

Komanda.az xəbər verir ki, 11 turdan sonra “Firenation” komandası 30 xalla turnir cədvəlinin lideridir. Onların ən yaxın izləyicisi olan “TakeCTRL” kollektivi isə 27 xalla 2-ci sırada qərarlaşıb.

16 komandanın iştirakı ilə keçirilən liqa daha 4 həftə ərzində davam edəcək.