“Bayern”in futbolçusu: “Peyvənd olunmamışam, çünki…”

Almaniyanın “Bayern” klubunun futbolçusu Yozua Kimmix koronavirusa qarşı peyvənd olunmayıb.

Komanda.az xəbər verir ki, bu barədə alman yarımmüdafiəçi özü açıqlama verib. O, peyvəndin nəticələri tam dəqiqləşmədiyi üçün vaksinasiya olunmadığını bildirib:

“Peyvənd olunmamışam, çünki bunun təsirinin nəticələrini görmək istəyirəm. Məsuliyyətin fərqindəyəm, tibbi olaraq lazımi tədbirləri görürəm. İki-üç gündən bir test verirəm. Peyvəndlə bağlı hər kəs öz qərarını verməlidir”.