Millimizin yer aldığı qrupda qonaqların günü

21 yaşadək futbolçulardan ibarət yığma komandalar arasında Avropa çempionatının seçmə mərhələsi davam edir.

Komanda.az xəbər verir ki, Azərbaycan millisinin yer aldığı 2-ci qrupda bu gün növbəti oyunlar keçirilib.

Autsayderlər zonasında qərarlaşan Lixtenşteyn Gürcüstanı qəbul edib. Qonaqlar 19 və 34-cü dəqiqələrdə müvafiq olaraq Nuqzar Spanderaşvili ilə Davit Samurkasovinin qolları sayəsində səfərdən 2:0 hesablı qalibiyyətlə ayrılıb.

Qrupun lideri İsveçrə isə Slovakiyanın qonağı olub. 3 qolun vurulduğu matçda qonaqlar qələbə qazanıb. Meydan sahibləri hesabı açsa da, azlıqda qalan isveçrəlilər ardıcıl 6-cı qələbəni bayram edib.

Qeyd edək ki, Azərbaycan yığması sentyabrın 7-də evdə Fransaya məğlub olub – 1:2.

U-21-lər arasında AÇ-nin seçmə mərhələsi
2-ci qrup
8 sentyabr

Lixtenşteyn – Gürcüstan 0:2
Qol: Spanderaşvili, 19. Samurkasovi, 34.

Slovakiya – İsveçrə 1:2
Qol: Strelets, 65 – Zeqiri, 87-pen. Zelqer, 90.

İsveçrə – 18, Fransa – 15, Gürcüstan – 9, Azərbaycan – 6, Slovakiya – 6, Lixtenşteyn – 3.