“Lider olduğumuz halda qorxmalıyıq?” – Valverde

“Barselona”nın baş məşqçisi Ernesto Valverde, La Liqadakı çempionluq yarışı haqqında açıqlama verib.

Komanda.az İspaniya mətbuatına istinadən xəbər verir ki, 55 yaşlı mütəxəssis, çempionluq yarışında rəqiblərdən qorxmadıqlarını dilə gətirib:

“Lider olduğumuz halda qorxmalıyıq? “Barselona”nın qorxacaq nəyisə yoxdur. La Liqada illərdir eyni komandalarla yarışırıq. Qələbə qazanmağa davam edərək, çempion olmaq istəyirik”.

23 turdan sonra 51 xalla lider olan Kataloniya təmsilçisi, əsas rəqiblərindən “Real”ı 6, “Atletiko”nu isə 7 xal qabaqlayır.