“Onu komandada saxlamaq üçün əlimdən gələni edəcəm”

İtaliyanın “Roma” klubunun baş məşqçisi Paulo Fonseka icarə əsasında komandada çıxış edən Kris Smollinqlə bağlı açıqlama verib.

Komanda.az xəbər verir ki, ESPN-ə danışan mütəxəssis, müqavilə ilə “Mançester Yunayted”ə məxsus olan Smollinqi heyətdə saxlamaq istədiyini bildirib:

“Onu komandada saxlamaq üçün əlimdən gələni edəcəm. Smollinqin da burda qalmaq istədiyini bilirəm. O, inanılmaz bir insan, peşəkar futbolçudur. İngiltərəli müdafiəçilərin İtaliya çempionatına belə tez adaptasiya olması asan deyil. O, azarkeşlərin də sevgisini qazandı və komandadakı lider futbolçulardan biri oldu”.

Smollinqin “Roma” ilə icarə müqaviləsi iyunda başa çatır. Onun “Mançester Yunayted”lə müqaviləsi isə 2022-ci ilin iyununadək nəzərdə tutulub.