Bu gün UEFA İcraiyyə Komitəsinin iclası keçiriləcək

Bu gün UEFA-nın İcraiyyə Komitəsinin iclası keçiriləcək.

Komanda.az xəbər verir ki, videokonfrans formatında keçiriləcək iclasda koronavirus pandemiyasına görə dayandırılmış ölkə çempionatları və avrokuboklarla bağlı məsələlər müzakirə olunacaq.

Aprelin 21-də UEFA-ya üzv olan 55 milli futbol assosiasiyası ilə videokonfrans keçirilmişdi. Burada ölkə çempionatları və avrokuboklarla bağlı bir sıra məsələlər müzakirə olunmuşdu.

UEFA yekun qərarını bu gün keçiriləcək İcraiyyə Komitəsinin iclasından sonra açıqlayacaq.