Kavani PSJ-nin tarixinə düşdü

PSJ Fransa Liqa 1-in 26-cı turunda “Bordo”nu 4:3 hesabıyla məğlub edib.

Komanda.az klubun saytına istinadən xəbər verir ki, sözügedən qarşılaşma Paris təmsilçisinin hücumçusu Edinson Kavani üçün əlamətdar olub. Belə ki, görüşdə komandasının ilk qolunu vuran uruqvaylı futbolçu, PSJ-dəki qollarının sayını 200-ə çatdırıb. Kavani bu göstəriciyə 298-ci oyununda çatıb.

Kavani bununla da, PSJ tarixində 200 qol həddinə çatan ilk futbolçu olub.