Ayaz oynadı, “Spartak” darmadağına sevindi

Futbol üzrə Rusiya Premyer Liqasında 14-cü turun oyunları keçirilir.

Komanda.az xəbər verir ki, azərbaycanlı futbolçu Ayaz Quliyevin formasını geyindiyi Moskva “Spartak”ı da növbəti matçına çıxıb.

Sözügedən kollektiv səfərdə paytaxtın digər təmsilçisi “Lokomotiv”lə üz-üzə gəlib. Azərbaycanlı yarımmüdafiəçinin komandası Moskva derbisindən qələbə ilə ayrılıb – 3:0.

Ayaz da bu görüşün iştirakçısı olub. O, 84-cü dəqiqədə meydana buraxılıb.

“Spartak” 14 turdan sonra 18 xalla 16 kollektiv arasında 7-ci pillədə qərarlaşıb.