Fiqunun DÇ-2026 üçün favoritləri

Portuqaliyalı sabiq futbolçu Luiş Fiqu qarşıdan gələn 2026-cı il dünya çempionatı üçün favoritlərinin adlarını açıqlayıb.

Komanda.az xarici KİV-ə istinadən xəbər verir ki, Fiqu, beş əsas namizəd göstərib:

“Çoxu qələbə uğrunda mübarizə apara bilər. Oyunçuların keyfiyyəti çox önəmlidir, amma bir az şans da vacibdir. Braziliya, Argentina, Portuqaliya, İspaniya və Fransa yığmasını favoritlər arasında görürəm. Onların final mərhələlərində kifayət qədər təcrübəsi var. Bu komandalar o qədər güclüdür ki, turnirə iki heyətlə qatıla bilərlər”.

Dünya çempionatı 11 iyun-19 iyul tarixlərində Şimali Amerikada keçiriləcək.