Ziyadov Avropa Badmintonu Direktorlar Şurasının üzvü seçilib

Azərbaycan Badminton Federasiyasının prezidenti Taleh Ziyadov Avropa Badmintonu Direktorlar Şurasının üzvü seçilib.

Bu barədə Komanda.az-a Gənclər və İdman Nazirliyindən məlumat verilib.

Qurumun hesabat-seçki konfransı Danimarkanın Horsens şəhərində keçirilib.

Ziyadov səsvermənin nəticələrinə əsasən Avropa Badmintonu Direktorlar Şurasının üzvü seçilib.

O, 2026–2030-cu illərdə qurumun idarəçiliyində Azərbaycanı təmsil etmək hüququ qazanıb.