Azərbaycan millisinin oyunu təxirə salındı

19 yaşadək qadın futbolçulardan ibarət Azərbaycan millisinin Avropa çempionatının seçmə mərhələsində Şimali Makedoniya yığması ilə oyunu təxirə salınıb.

Komanda.az xəbər verir ki, B Liqasının 5-ci qrupunun 2-ci turunda bu gün baş tutmalı olan görüş Strumitsa şəhərində hava şəraitinin əlverişsiz və meydançanın yararsız olması səbəbindən başqa vaxta keçirilib.

Qarşılaşmanın noyabrın 29-da keçirilməsi nəzərdə tutulub.