“Real”ın futbolçusu “Şalke”yə “yox” deyib

İspaniyanın “Real” klubunun 26 yaşlı hücumçusu Mariano Dias Almaniya təmsilçisinin transfer təklifindən imtina edib.

Komanda.az İspaniya mətbuatına istinadən xəbər verir ki, Bundesliqada mübarizə aparan “Şalke” Diası heyətinə qatmaq niyyətində olub. “Şalke” Diasa “kral klubu”nda aldığı məvacibi – illik 4 milyon avro təklif etsə də, futbolçu bu təklifdən imtina edib. İspan hücumçunun “Real”da xoşbəxt olduğunu və baş məşqçi Zinəddin Zidanın inamını qazanacağını deyərək, təklifdən imtina etdiyi bildirilir.

Yay transfer pəncərəsi dövründə Madrid klubunun satış siyahısında olan Diasın adı “Betis”, “Monako” kimi klublarla yanaşı çəkilirdi.

Futbolçu, cari mövsümdə “Real”ın La Liqada keçirdiyi heç bir matçda iştirak etməyib.