“PSJ və “Şaxtyor” üzərindəki qələbələr çox vacib idi”

“Bayern”in yarımmüdafiəçisi Aleksandr Pavloviç komandanın cari UEFA Çempionlar Liqasındakı şanslarını dəyərləndirib.

Komanda.az “Bayer&Germany”-ə istinadən xəbər verir ki, 20 yaşlı almaniyalı futbolçu PSJ və “Şaxtyor” üzərindəki qələbələrin çox vacib olduğunu bildirib:

“Aydındır ki, evdə Çempionlar Liqasının finalı dəlilikdir və biz oraya çatmaq, sonra isə qalib gəlmək üçün əlimizdən gələni edəcəyik. Amma qarşıda hələ uzun bir yol var. PSJ və “Şaxtyor” üzərindəki qələbələr çox vacib idi”.

“Bayern” 6 turdan sonra Çempionlar Liqasının ümumi turnir cədvəlində 10-cu yerdədir. Turnirin final matçı Münhendəki “Alyanz Arena”da keçiriləcək. Həlledici qarşılaşma 2025-ci il mayın 31-nə təyin edilib.