“Mbappenin uğurlu oynaması an məsələsi idi”

“Real”ın hücumçusu Rodriqo komanda yoldaşı Kilian Mbappenin bacarığına arxayındır.

Braziliyalı və fransalı forvardlar La Liqada bazar günü “Sevilya” ilə matçın (4:2) qəhrəmanı olub: hər ikisi 1 qol və 1 məhsuldar ötürmə ilə yadda qalıb.

Komanda.az “Madrid Zone”-yə istinadən xəbər verir ki, matç başa çatdıqdan sonra jurnalistlər Rodriqodan Mbappe haqqında fikirlərini bölüşməsini istəyib:

“Meydandan kənarda əla münasibətimiz var. Mbappenin uğurlu oynaması an məsələsi idi. O, hər gün təkmilləşir”.

Mbappe “Real”a bu yay PSJ-dən azad agent kimi keçib. 26 yaşlı hücumçu cari mövsümdə “kral klubu”nun heyətində 24 matçda 14 qol vurub və 4 məhsuldar ötürmə edib.