Levandovski karyerasını nə vaxt bitirəcək?

“Barselona”nın və Polşa millisinin hücumçusu Robert Levandovski peşəkar karyerasını nə vaxt bitirməyi planlaşdırdığını deyib.

Komanda.az “Forbes”-ə istinadən xəbər verir ki, polşalı futbolçu yaşını nəzərə alaraq 2-3 il ərzində oynamağı bitirəcək. Onun üçün ilk siqnal yuxudan oyananda və məşqə getmək istəmədikdə olacaq:

“İndiyə qədər hər səhər heç bir ağrı hiss etmədən oyanıram. Ümid edirəm ki, bu, davam edəcək”.

36 yaşlı forvardın Kataloniya klubu ilə müqaviləsi 2026-cı ilin yayına qədərdir və daha bir mövsüm uzatmaq imkanı var.