“Hesaba alınmalı olan qol vurdum” – İsveçli hücumçu

İsveç millisinin hücumçusu Aleksander İsak UEFA Millətlər Liqasının C1 qrupunun 6-cı turunda Solnada Azərbaycan yığması üzərində qazandıqları qələbəni (6:0) şərh edib.

Komanda.az “TV4 Nyheterna”-ya istinadən xəbər verir ki, futbolçu oyun haqda bunları deyib:

“VAR qolu niyə ləğv etdi, bu necə mümkündür? Bu, gördüyüm ən pis qərardır. Təbii ki, qalib gəldiyimiz üçün şadam. Amma hesaba alınmalı olan qol vurdum. Bu isə məni əsəbiləşdirir”.

İsak bu görüşdə start heyətində meydana çıxıb və 49-cu dəqiqədə penaltidən istifadə edə bilməyib.