“Arsenal”ın çempion ola biləcəyinə hələ də inanıram” – Nevill

“Mançester Yunayted”in keçmiş müdafiəçisi Qari Nevill “Arsenal”ın İngiltərə Premyer Liqasının cari mövsümündə çempionluq mübarizəsi ilə bağlı fikirlərini bölüşüb.

Komanda.az “Sky Sports”-a istinadən xəbər verir ki, ingiltərəli keçmiş futbolçu “topçular”ın titul qazanmaq şansının oduğunu düşündüyünü bildirib:

“Topçular”ın titul qazanmaq şansının olduğunu düşünürəm. Komandada uğursuzluq var idi. Hazırda komandanın çıxışı ilə bağlı suallar çoxdur, lakin onların titul qazanma ehtimalını istisna etmirəm. “Arsenal”ın çempion ola biləcəyinə hələ də inanıram”.

“Arsenal” İngiltərə çempionatının 10 turundan sonra 18 xal toplayıb və turnir cədvəlinin 5-ci pilləsində qərarlaşıb. Mikel Artetanın yetirmələri lider “Liverpul”dan 7 xal geri qalır.