“Klopp “Red Bull”a yaraşır”

Almaniya millisinin və “Bayern”in sabiq futbolçusu Lotar Matteus “Liverpul”un keçmiş baş məşqçisi Yurgen Kloppun “Red Bull”a təyinatını şərh edib.

Komanda.az “Sky Sport”-a istinadən xəbər verir ki, almaniyalı keçmiş yarımmüdafiəçi, Kloppun əsl bir parça olduğunu bildirib:

“Klopp əsl bir parçadır. “Red Bull” qlobal şəkildə düşünür. Klopp onlara yaraşır. Ona ciddi dəstək olacaq. Hər şeyin necə getdiyini görəcəyik. Ümid edirəm ki, bir neçə ildən sonra onun məşqçilik işinə qayıtmasını müşahidə edəcəyik”.

Kloppun “Red Bull”da futbol əməliyyatlarının rəhbəri olacağı daha əvvəl açıqlanmışdı.

Almaniyalı mütəxəssis 2023/24 mövsümünün sonunda “Liverpul”un baş məşqçi postunu tərk edib. Bundan əvvəl o, Dortmund “Borussiya”sı və “Maynts” klublarında çalışıb.