“Barselona” 3-cü formasını təqdim etdi – FOTO

“Barselona” 2024/25 mövsümündə geyinəcəyi üçüncü formanı təqdim edib.

Komanda.az klubun rəsmi saytına istinadən xəbər verir ki, forma açıq yaşıl rəngdə bir neçə çalarlarda hazırlanıb. Formanı yaradanlar qadınlardan ibarət komandanın bəzi uğurlarından ilhamlanıblar.

“Barselona”nın qadınlardan ibarət komandasının uğuru üçüncü formanın yaradılması üçün ilham mənbəyi olub. Bu mövsümün üçüncü forması firavanlığı, böyüməyi və bərabərlik uğrunda mübarizədə irəliləyişi simvolizə edir.

“Nike” şirkəti “Barselona”nın texniki sponsorudur.

“Barselona” hazırda La Liqanın turnir cədvəlində 1-ci yerdədir.