“Atletiko” ingiltərəli futbolçunu transfer edəcəyinə əmindir

“Atletiko” “Çelsi”nin yarımmüdafiəçisinin transferini başa çatdıra biləcəyinə əmindir.

Komanda.az “Team Talk”-a istinadən xəbər verir ki, söhbət İngiltərə klubu ilə müqaviləsinin bitməsinə bir il qalan Konor Qallaherdən gedir.

“Atletiko” Qallaherin transferinin reallaşacağına inanır. Futbolçunun özü də İspaniyaya köçməyə açıqdır və artıq dostlarından bu ölkədəki vəziyyət barədə soruşub.

“Çelsi” ötən mövsüm komandanı ən çox kapitan sarğısı ilə meydana çıxaran ingiltərəli yarımmüdafiəçi ilə müqaviləni yeniləməkdə maraqlı deyil.

24 yaşlı futbolçu Premyer Liqanın son mövsümündə 5 qol vurub, 7 məhsuldar ötürmə edib.